Ченемдик документтер

Конституция-ар бир мамлекеттин негизги жана башкы мыйзамы. Конституциянын ченемдери мамлекеттин коомдук түзүлүшүн, доминанттык башкаруу формасын, аймактык түзүлүштүн ыкмаларын камтыйт.

Кыргызстандагы пробация – бул соттолгон адамдарды кылмыш кылууга алып келген оор турмуштук абалдан чыгуусуна көмөктөшүү жана ресоциалдаштырууну камсыз кылган социалдык-укуктук институт деп эсептелинет. Кыргыз Республикасынын 2017-жылдын 24-февралындагы № 34 "Пробация жөнүндө" мыйзамы Кыргызстандагы пробациянын максаттарын, милдеттерин, укуктук негиздерин, принциптерин жана формаларын аныктайт.

Кыргыз Республикасынын юстиция Министрлигинин алдындагы Пробация департаменти өз кардарларына түзөтүү жана ресоциалдаштыруу үчүн шарттарды түзүп жана алардын кайра укук бузуусун алдын алуу аркылуу коомдун жана мамлекеттин коопсуздугун камсыз кылуу максатында түзүлгөн .

Кыргыз Республикасынын Жазык-аткаруу мыйзамдары Кыргыз Республикасынын Конституциясына (мындан ары - Конституция), жазаларды жана жазыктык-укуктук таасир көрсөтүүнүн мажбурлоо чараларын аткаруу жана өтөө тартибин жана шарттарын белгилөөчү Кыргыз Республикасынын ченемдик укуктук актыларына негизденет.

Кыргыз Республикасынын Юстиция министрлигинин алдындагы Пробация департаменти жөнүндө жобо – бул департаментти түзүү тартибин, анын укуктарын, милдеттерин, пробация органдарынын уюштуруусун жана жоопкерчилигин, анын башка мамлекеттик органдар менен өз ара иш алып баруусун регламенттеген документ.

Пробацияны колдонуу жана кардарларды эсепке алуу тартиби мамлекеттик органдар, жергиликтүү мамлекеттик администрациялар, жергиликтүү өз алдынча башкаруу органдары жана коомчулук менен өз ара аракеттенүүдө пробация кардарына карата контролдоону, көзөмөлдөөнү жана кайра социалдаштырууну колдонуу шарттарын аныктайт.

Кыргыз Республикасынын укук бузуулар жөнүндө мыйзамдары Кыргыз Республикасынын Конституциясына негизделет жана Кыргыз Республикасынын Укук бузуулар жөнүндө кодексинен, Кыргыз Республикасынын мыйзамдарынан, ошондой эле Кыргыз Республикасынын мыйзамдарына ылайык күчүнө кирген эл аралык келишимдерден турат, алар Кыргыз Республикасынын укуктук тутумунун курамдык бөлүгү болуп саналат.