Пробациянын ыктыярчылары
Ыктыярчылык убакыттан, кесиптен жана жаш курактан тышкары турат. Жардам берүү ар бир адамга таандык болгон ички муктаждык жана миллиондогон адамдар бул ишке толугу менен жан аябастык менен катышат.
Ыктыярчылардын кыймылы – өз укуктары менен милдеттери бар, бир нече тараптын ортосундагы социалдык өнөктөштүк. Мындай кыймыл социалдык өнөктөштүктүн натыйжалуу механизми катары өз натыйжалуулугун далилдеди.
Пробациянын ыктыярчысы – бул 18 жаштагы же андан улуу жаш жаран. Анын жалпы орто, кесиптик орто же жогорку билимди аяктагандыгы жана окуган же иштеген жерден сунуш-көрсөтмөлөр өзгөчө эске алынат.
Биздин ыктыярчыбыз демилгелүү, жоопкерчиликтүү жана командада иштей алат.
Пробациянын ыктыярчысы психоневрологиялык жана наркологиялык диспансерлерде каттоодо турбайт жана анын соттолгондугу жок!
Ыктыярчыны тандоону сиз кайрылган пробация органы жүргүзөт.
Ыктыярчы катары иштөө үчүн тандалган талапкерлер атайын окуудан өтөт. Окуудан өткөн адамдарга ыктыярчынын күбөлүгү берилип, ошондон кийин гана иштөөгө жол берилет.
Ар бир ыктыярчынын укуктары жана милдеттери бар!
Пробациянын бир ыктыярчысы 10 кардарды гана көзөмөлгө ала алат.
ЫКТЫЯРЧЫ ТӨМӨНКҮЛӨРГӨ УКУКТУУ:
1) пробация органынын тапшырмасы боюнча бузуу фактылары боюнча түшүндүрмөлөрдү ылгоого, пробациянын кардарлары жөнүндө пикирлерди чогултууну жүзөгө ашырууга, аларга мүнөздөмөлөрдү түзүүгө;
2) пробация органынын жана анын кызмат адамдарынын талаптарын, суроо-талаптарын мамлекеттик жана башка органдарга, менчигинин түрүнө карабастан мекемелерге, уюмдарга жана ишканаларга берүүгө жана алардан тиешелүү жоопторду, маалымкаттарды жана башка документтерди алууга;
3) пробациянын кардарларынан коомдук тартипти сактоону, моралдык жана коомдук турмуштун жалпы таанылган ченемдерин бузган укук бузууларга жана аракеттерге жол бербөөнү талап кылууга;
4) пробациянын кардарларынан планды жана программаны сактоону талап кылууга.
ЫКТЫЯРЧЫ ТӨМӨНКҮЛӨРГӨ МИЛДЕТТҮҮ:
1) пробация органы тарабынан өткөрүлүүчү иш-чараларга катышууга;
2) планды жана программаны аткарууда пробациянын кардарына көмөк көрсөтүүгө;
3) пробация органдарынын персоналынын мыйзамга каршы келбеген көрсөтмөлөрүн аткарууга;
4) пробациянын кардары менен жакын жана туугандык байланыштарынын бар экендиги жөнүндө пробация органына билдирүүгө;
5) пробациянын кардары пробациялык милдеттерин аткарбаган учурда, ошондой эле ал укук бузуу жасаганда пробация органына дароо билдирүүгө.
ЫКТЫЯРЧЫЛАРГА ТӨМӨНКҮЛӨР ТЫЮУ САЛЫНАТ:
1) пробация органына кабардар кылбай туруп пробациянын кардарлары менен иш-чараларды өз алдынча өткөрүүгө;
2) пробациянын кардарлары жөнүндө маалыматтарды ачыкка чыгарууга;
3) пробациянын кардарлары менен кызматтык эмес байланыштарды түзүүгө;
4) соттолгон адамдын жүрүм-турумуна терс таасир этүүчү башка аракеттерди жасоого.
Пробациянын волонтерлору мыйзам менен конфликтте турган жашы жете элек өспүрүмдөр менен иштөөгө да тартылат.
Бул жерде, волонтердун эмгеги жашы жете элек өспүрүмдөрдү ичкиликти, тамеки чегүүнү, баңгиликти, укук бузууларды жана коомго жат мүнөздөгү жүрүм-турумдарды ж. б. алдын алуу боюнча иш-чараларга тартуудан башталат.
Пробациянын ыктыярчысы жашы жете элек балдарга мыйзамга баш ийген жашоо мүнөзүнүн маанилүүлүгү жана пайдалуулугу жөнүндө маалымдоо үчүн бардык күч-аракеттерин жумшайт. Ал топтук жана жеке маектешүүлөрдү, практикалык жана профилактикалык ж.б. иштерди жүргүзөт.
Пробациянын жашы жете элек кардары менен иш жүргүзүү процессинде ыктыярчынын башкы милдети болуп жашы жете элек өспүрүмдөрдүн турмуштагы кыйынчылыктарды жеңүүгө умтулуусу, алардын жеке көйгөйлөрүн чечүүгө жана психо-профилактика жасоого жардам берүү саналат.
Волонтер болуу үчүн сиз пробация органдарына волонтерлорду тандоо тартиби жана алардын иши менен таанышып, волонтерлорго кабыл алуу жөнүндө арыз жазып жана пробациянын волонтерлорунун анкетасын толтуруу зарыл.
Бишкектин тургундары колу коюлган арызды жана толтурулган анкетаны, Бишкек ш., Чынгыз Айтматов көч, 1 дарегине жеткизип, же probationkg@gmail.com электрондук почтасына жөнөтүшү керек.
Бардык маселелер боюнча КР ЮМ алдынагы Пробация департаментинин Коомчулук менен байланыш секторуна чалсаңыздар болот - 0997 56 57 79
Эгерде сиз, Кыргызстандын башка районунда турсаңыз, жашаган жериңиз боюнча пробациянын волонтерлорунун кураторлору менен байланышыңыз:
• Нарын жана Ысык-Көл облустары боюнча – Эрнис Намазбеков, тел: 0708 590 838;
• Ош жана Баткен облустары боюнча – Нурлан Сулайманов , тел: 0555 701 188 ;
• Чүй жана Талас облустары боюнча – Нурбек Чагырбеков, тел: 0701288262, 0550 230 974;
.Жалал-Абад областы -Уларбек Эшалиев , тел: 0990553000, 0706 500 546
