2025-жылдын 12-декабрында пробация институтун өнүктүрүү боюнча координациялык кеңештин кезектеги отуруму болуп өттү.

Координациялык кеңештин отурумунда бир катар маселелер талкууланды, ошондой эле "Аялдарга жана кыздарга карата гендердик зомбулукка каршы 16 күндүк активизм" кампаниясынын алкагында маселелер каралды.

Координациялык кеңеш Кыргыз Республикасынын Юстиция министринин биринчи орун басары Алмазбек Зарылбек уулунун төрагалыгы астында, координациялык кеңештин мүчөлөрү жана БУУнун БКБ жана Европа Биримдигинин колдоосу менен коммерциялык эмес уюмдардын катышуусунда өттү.

Отурумдун жыйынтыгында мындан аркы иштин негизги багыттары аныкталды: жазанын альтернативдүү чараларын колдонуу боюнча сот практикасын өркүндөтүү; түзөтүү программаларын уюштурууда борбордук жана жергиликтүү бийлик органдарынын өз ара аракеттенүүсүн күчөтүү; чектөөлөрдүн сакталышын жана электрондук көзөмөлдүн колдонулушун контролдоонун натыйжалуулугун жогорулатуу.

Пробация институтун өнүктүрүү боюнча координациялык кеңеш Кыргыз Республикасынын Өкмөтүнүн 2020-жылдын 11-майындагы № 171-р буйругу менен түзүлгөн.

Координациялык кеңештин негизги милдеттери:

1) пробация маселелери боюнча чараларды иштеп чыгуу, ошондой эле бул жааттагы максаттуу программаларды ишке ашыруунун натыйжалуулугун жогорулатуу боюнча чараларды иштеп чыгуу;

2) пробация институтун өнүктүрүүнүн артыкчылыктуу программаларын аныктоо;

3) пробация институтун өнүктүрүү программаларын жана пландарын иштеп чыгууга катышуу;

4) Кыргыз Республикасынын пробация чөйрөсүндөгү мыйзамдарында каралган башка милдеттерди чечүү.