«Бардык аялдарга жана кыздарга каршы санариптик зомбулукка чек коюу үчүн биригели» аттуу эл аралык иш-чара

Пробация департаменти «Бардык аялдарга жана кыздарга каршы санариптик зомбулукка чек коюу үчүн биригели» аттуу эл аралык иш-чаранын расмий ачылыш аземине катышты.

Бул кампания аялдарга жана кыздарга карата зомбулуктун бардык түрлөрүн, анын ичинде санариптик зомбулукту жоюуга багытталган жана жыл сайын дүйнө жүзү боюнча белгиленип келет.

Ушуга байланыштуу өлкө боюнча бир катар иш-чаралар уюштурулат — улуттук диалогдук платформалар, жаштар дебаттары, викториналар жана символдук мааниге ээ «кызгылт сары кол чатырлар» флешмобу биримдиктин жана зомбулуксуз келечекке болгон жалпы умтулуубуздун белгиси катары өтөт.

Пробация департаменти аялдардын жана кыздардын укуктарын коргоо, ошондой эле коопсуз санариптик чөйрө түзүү боюнча аракеттерди колдойт. Биз ар бир жаранды зомбулуксуз, урматтоого негизделген коом курууга чакырабыз!

Биргеликте санариптик зомбулукка чек коёлу!