«Кыргыз Республикасынын Юстиция министрлигинин алдындагы Пробация департаментине жаңы директор дайындалды»
Кыргыз Республикасынын Юстиция министрлигинин алдындагы Пробация департаментине жаңы директор дайындалды
Кыргыз Республикасынын Юстиция министрлигинин алдындагы Пробация департаментинин жамаатына жаңы жетекчи тааныштырылды.
Директорлук кызматка Калматов Данияр Алпайизович дайындалды.
Тиешелүү тескемеге 2025-жылдын 22-майында Кыргыз Республикасынын Министрлер Кабинетинин Төрагасы Касымалиев Адылбек Алешович кол койду.
2025-жылдын 23-майында Кыргыз Республикасынын юстиция министринин орун басары Казаков Кубан Каленович жаңы директорду Пробация департаментинин кызматкерлерине расмий түрдө тааныштырды.
Д. Калматов — пробация тармагында көп жылдык тажрыйбасы бар жетекчи. Ал Пробация департаментинин директорунун орун басары болуп иштеген учурда электрондук көзөмөл системасын киргизүү сыяктуу бир катар маанилүү реформаларга активдүү катышкан. Кийинчерээк Юстиция министрлигинин Борбордук аппаратынын Мониторинг башкармалыгын жетектеген.
Юстициянын 1-класстагы кеңешчиси класстык чинине ээ.
Эске салсак, 2025-жылдын 19-майында Кыргыз Республикасынын Министрлер Кабинетинин буйругу менен Казаков Кубан Каленович юстиция министринин орун басары болуп дайындалган.
Буга чейин ал Пробация департаментин жетектеп, өлкөдө пробация институтунун өнүгүшүнө өз салымын кошкон.
