Пробация кызматкерлери ВИЧ жана кургак учук контекстинде кардарлар менен иштөө маселери боюнча окуудан өтүштү
Пробация кызматкерлери ВИЧ жана кургак учук контекстинде кардарлар менен иштөө маселери боюнча окуудан өтүштү
Пробация кызматкерлеринин кардарларды коомго социалдаштыруу жана реинтеграциялоо боюнча ишинин натыйжалуулугун жогорулатуу максатында Кыргыз Республикасынын Юстиция министрлигинин алдындагы Пробация департаментинин жумушчу тобу тарабынан ВИЧ жана кургак учук контекстинде жүрүм-турум өзгөчөлүктөрүнө байланыштуу Пробация кызматкерлери үчүн колдонмо иштелип чыкты.
Жаңы инструментти киргизүү алкагында, 2025-жылдын 23–25-апрель күндөрү БУУӨПтүн «Кыргыз Республикасында ВИЧ-инфекция жана кургак учук боюнча эффективдүү көзөмөл» долбоорунун колдоосу менен пробациянын аймактык органдарынын кызматкерлери үчүн окутуу иш-чарасы өткөрүлдү. Окутууга өлкөнүн бардык аймактарынан 22 адис катышты.
Тренингдин жүрүшүндө кызматкерлер пробация кардарлары менен иштөөдөгү жаңы ыкмалар менен таанышып, жүрүм-турум аспектилери, ВИЧ жана кургак учук менен жашаган адамдарга социалдык колдоо көрсөтүүнүн өзгөчөлүктөрү боюнча темаларды карап чыгышты жана кардарларды коомго реинтеграциялоонун эффективдүү практикаларын үйрөнүштү.
Бул Колдонмону иштеп чыгуу жана ишке ашыруу ВИЧ жана кургак учук менен жашаган адамдарга карата стигматизацияны жана дискриминацияны азайтууга жана пробация кардарларынын туруктуу социалдашуусун камсыздоого багытталган.
